واحد اسمه خالد جاه مرض و قالوله انه بيموت

كتب الشعر لصديقه يقول له فيه
انه يحب حبيبته و يبي من خويه هذا انه يخليها تنساه

--------------------------------------------------------------------------------


وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود

--------------------------------------------------------------------------------

م ن ق و ل


كل الود
لسوعه

صح لسانك


واختيار موفق في نقل المواضيع

بس مافيه حب بالشكل هذا ....

بصراحه قصيدة تقطع القلب

يسلمو خيتوووو عالنقل

نون الحنونه
ظلال الروح


سرني تواجدكم بمتصفحي
مانعدم هالطله

كل الود
لسوعه

وين الحب اللي مثل كذا

انتقاء رااائع

من شخص أروع

من إيد مانعدمها إن شاء الله

يسلموا خيو على مرورك

كل الود
لسوعه

انسان رائع صح لسانة


وناقل هالقصيده اروع

مشكوره شقاوه


لك يسلموووووووووووووووووو

ربي يسلمك
مشكور على مرورك


كل الود
لسوعه

لسوع تسلم ايديك حبيبتي عنقل

كلمات رائعه من شخص اروع

مشكورة

الفراق صعب خاصةً اذا كانت انت المفارق ولا خيار لك
كلمات فيها اسى وحرقة تفطر القلوب وتدمي العيون............

لم يعجبني هذين البيتين من حيث المعنى والتناقض

وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
الحان رحباني ليست صاخبه

شكراً لك على نقل الموضوع
موضوع جديد ومثير

محبكم
ابوصقر