عزيزتي اميرة الورد

مواضيعك مميزة دائما ...




موضوع جدا شائك ويحتاج لمعرفة تفاصيل كل رواية تحكى للحكم عليه ..


ولكن باختصار ...

انا بالنسبه لي مريت بنفس التجربة ..

صديق عزيز علي جدا .. او كنت اظن انه عزيز !!


منذ ايام الدراسة في المتوسطة ..

حتى ايام الجامعه ..


اتسعت الشلة وصار هذا يعرف هذا والثاني يتعرف على الباقين ..

يعني بالعامي خوي خويي اعتبره خويي << فهمتوا شي خخخخ

المهم .. تغيرت تصرفات الرجال

وصار يشكل احزاب مع بعض الاشخاص ضد اشخاص كنا في غنى عن التعرف عليهم

ويوم ورا يوم بدأت الرتابة تدخل علاقتنا يعني سلام .. عليكم السلام ..

وخذ نقل كلام ونميمة وغيبة لأهداف لا اعلمها حتى الآن ..

وانا مصدوم الى الآن رغم مرور فترة على الموضوع...

*******
اما بالنسبة لردة فعلي ...

فأنا الحمد لله مرتاح الضمير لأني عارف اني ما اخطيت في حقه
وعارف انه بيجي يوم واعرف السبب لكل اللي صار ...

بس اكيد ما راح انسى علاقتنا والايام الحلوة .. لأن عندي قلب ...

مشكورة اختي على الموضوع المميز
اما بالنسبة لردة فعلي فصعب اني حددها
بس اكيد رح حاول اني اعرف السبب يلي خلاه يغير تصرفاته
ورح يتم صديق /ة و اخ/ة غالي و عزيز ورح ابقى نحتفظة بالذكريات الحلوي
و بتمنى اني ما اتعرض لهيك موقف

و مرة تانية شكرا
و تقبلي مروري

مشكوره على الموضوع

لكن اقف بكل جراه واعرف ايش هو السبب؟؟؟

فالغالى مهما سار يبقى غالى

اميرة
والله كأن موضوعك جاء بوقته
لأني قبل يومين صار لي هالموقف مع واحد من اعز الأصدقاء
وآخرها امس أتصل عليه وما يرد
وإني في حيرة ولا ادري وش اسوي معه

مـــاذا ســـتكون ردة فعــلك اتــجاه..؟
هـــل تحــاول معــرفة السبــب..؟

إذا شفت اني راح ادخل في مهاترات وكلام فاضي

ما راح أتعب نفسي في معرفة السبب

أو تنســاه ولاتــهتم بــه..؟؟
أم "تــحن عـــليه"؟
ومـــاذا ســتفعـــل..؟؟


أما ردة فعلي فهذا البيت من قصيدتي الاخيرة أعتقد أنه يعبر كفاية

^^^^^^^^^^^^^^^^^^^^^^^^^^

بلعت غيظي يا نديمي كما بلعت الحوت ..... وغظيت طرفي عن علوم ٍ دايم نمشيها

^^^^^^^^^^^^^^^^^^^^^^^^^^^^^^^^^^^^^^

يعني زي ما يقولون أهلنا أهل الشام


(( الله يسعدو ويبعدو ))

ومع ذلك أحتفظ بذكرياتي الجميله معه

موقف ::::

هذا واحد من الشباب كنا زي السمن على العسل دايم مع بعض وما عمرنا

تهاوشنا ( تشاجرنا ) أو اختلفنا قدام الشباب وكنت أنا وهو أصحاب الحل والعقد

في الشله واذا صار خلاف بينهم يجوني البيت ويطلبون المشوره والحل

وأنا طبعا معاي صاحبي هذا وجالسين في الصدر وقدامي الدله وسبحتي

( المسبحه ) بيدي لافها لف ( لا يروح بالكم لاخواننا المحششين ) هههههه

على ابهامي ويسود الصمت في المجلس واقول تقهوو اول وبعدين نبت في

القضيه ( اللي يسمع يقول وزير الخارجيه ) وانا افكر في وضع المتخاصمين

وطبعا متكي على المركا وماسك شواربي وقاعد افتل بهالشوارب ( مسوي العقيد )

واطالع في خويي وصاحبي اللي جنبي وارفع حاجب واقول هات الشور يا الشوير

ويبدي رايه والكلام بيننا همس ( حفاظا ً على حقوق الانسان وعدم جرح مشاعرهم )

شفتوا كيف قلبي طيب ... المهم وينتهي ذاك المجلس بخير وسلام وهكذا إلى أن

دخل ناس غوغائيين ومالهم داعي في الشله وبدوا في الغيبه والنميمه والكلام اللي

يقصر العمر وكثرة الخصومه ::: مما أدى إلى ضعف هيبة ذلك المجلس في نفوس

بعض الافراد وعدم تنفيذ الاتفاقيات .... وصار كل ٍ شوره من راسه وبدا الحساد بيننا

انا وصاحبي واثارة البلبله وصار فرق مؤقت بيني وبين صاحبي وبعد ما تراضينا

اشوف صاحبي مو الاول ما صار يحافظ على الكلام والوعود فبديت اسحب حالي من

الشله شوي شوي لين صرت


لحالي تماما وهذي كانت فتره صعبه علي لكن الحمد

مرتاح الضمير ( كلمه مستعاره من ظلال الروح ) لاني ما اخطيت فمرت السنين علينا

فجا يوم ودق الباب ويوم طلعت الا وصاحبي على الباب فقلت حياك بعد واجب الضيافه

ساد الصمت ذاك المجلس الذي يما صارت فيه المعاهدات والاتفاقيات ( البيت الابيض )

فقال ودي ترجع العلاقه بيننا فقلت بشرط واحد ارجع العلاقة معك انت بس وما اطلع

معك لا تماشي ولا بطيخ وكأن الرجال ما اعجبه الكلام فجلس عندي وانتهت زيارته

لي وذهب ورقم جواله ما قدرت امسحه من جوالي ..... لانه كان يوم من الايام

صاحبي .....

.........................

والله عارف طولت بس أنا من الناس اللي (( يقدس الصداقة ))

تحيتي وااااااااااسف على الاطاله

الشباب ماقصروا كل واحد أدلى بدلوه في هذا الموضوع

ومن جد الموضوع مفيد جدا ونكسب منه خبرات الأعضاء في مثل هالأمر الشائك

صرااحة قبل قراءة ردود الأعضاء كنت أقول لو صار لي مثل هالموقف

اتغاضى عن كل شي وانسى كل شي صار بينا وأحاول بقدر المستطاع فتح

صفحة جديدة معه بدون معرفة أي سبب من أسباب تغيره علي

ولكن اللحين لا أقول لازم أبحث وراء الأسباب اللي خلته يغير نضرته فيني

لأني لو ما بحثت اخاف تتكرر السالفة مرة ثانية وتكون هنا المصيبة

ألف شكر لك أميرة الورد على هالباقة المتنوعه من المواضيع التي تقدمينها

لهذا المنتدى المتواضع ... تحياتي لك

اميرة ترى الموضوع متل ما قالو الاعضاء شائك وللاسف كتير يصير

وبالنسبه الي صار معي كذا موقف واعز صديقاتي تتغير علي وتبعد واراعيها

واقف بجانبها (بسبب ظروف) او انو نفسيتها تعبانه وانصحها واقف معها

بس للاسف ترجع تتغير وتقلب للاسوأ وانا دايم انصحها وبالاخر ادري انها تسمع من دان وطلعه من دان

وكل شي يوقع فوق راسها

وانا غسلت ايدي منها لانو صرلي 10 سنين اصدقاء

ولقيت انو اتفه الاسباب تنسى الصداقه

واذا زعلانه من شي ماتقول وما تشتكي وتتقلب وتحكي بنفسيا

كذا مره عاتبتها ونصتلح بس للاسف مقالبها ومواقفها كتيره

رغم هذا اعطيها فرص واحاول اعرف السبب واذا كنت غلطانه اعتذر

واذا هي غلطت اسامحها واحن عليها واصير احسن من اول

وترجع تتغير ولا تهتم واغيب بالايام وما تسأل علي


بس ما اقدر انسى العشره الي بينا قلبي طيب وهذا غلطي

بس الحين في نفور يعني بطلت متل قبل احب

احكيها واشوفها لانها هي مو دايمه عصحبتي


وتسلمين يا الغالية عالموضوع الرائع

.. .. بالنسبه لي انا صار لي موقف مع آعز صديقاتي.. ..

.. .. كنا ثلاث ويامحلانادخلوا علينا ثنتين عفسوا الصدااقه وخربوا معنااهااا.. ..

.. .. فرقوا بيني وبينهم بتاليف الكلامـ مع اني كنت شي معهم يعني لما يتعبون اوقف وقفه الاخت لاختها ويمكن آكثرولماتفرح افرح لها ويمكن اقدمهم على نفسي
مااني ابالغ وهذا اللي كان صايراخرتها يصدقون كلام ملفق علي .. ..

.. .. وعلى اللي صار قلت بكمل يمكن اقدر اغيرمن الموضوع لاني كنت احبهم حيل
لكن الله يسامح اللي كان السبب
طبعا لما تغيروا حاولت اعرف السبب وعرفته .. ..
.. وحاولت كذا مره ارجع هالصدااقه واكسب هاللي دخول واغيرهم لكن للاسف!!
طبعا انا مقهووره من اللي صار والله يسامحهم لكن خلاص القلب عافهم
وربي الحمدلله والشكر لله
رزقني بصديقات وقفوا معي وكانوا صدق يعرفون معنى الصداقه.. ...

واكتشفت انه بهالزمن مو الكل يعرف معنى الصدااقه .. ..

اطلت عليكم








.. .. آحب اشكر كل من دخل الموضوع ونوره بطلته .. ..

.. .. لاتحرموني من هالنور الراائع .. ..

.. .. الف شكر لكم ودمتم بود.. ..