صبــــــــــــــــــــــــــــاح الخــــــــــــــــــــــــــــــــير



شوفو أنواع البزاريــــــن الصعيلين (الصغيرين)

كما هو معروف ان بزراننا هم اكبادنا وكالوينا وحبايبنا

لذلك نبي نشوف وش انواعهم حفظهم الله ورعاهم وفكنا الله من شرهم

نستعرض معكم أنواع البزران ومستقبلهم الذي ينتظرهم

( خوش مستقبل )

البزر المفهي :
هو بزر ما يدري وين الله حاطه
أي شي تقوله له بيقول هاه

مستقبله
غير واضح المعالم لكن ما راح يتعدى شيئين
يستمر مفهي وهذا الأغلب
أو يتعرض لصدمه تخليه يطلع من فهاوته شوي


البزر المدلع :
غالباً ما يكون تربية عجايز .. مدلع حتى آخر قطره .. لكنه للأسف مدلع سريع البكاء لو تقول له كيف الحال قعد يبكي ..

مستقبله
يستمر مدلع ألين يتزوج ويصير خاتم في اصبع زوجته

البزر المهايطي :
هو البزر الذي يهايط وهو ما عنده سالفة يكون عُرضه للتصفيق والتكفيخ نظراً لمهايطاته الدائمه

مستقبله
يستمر مهايطياً للأبد وقد يفقد حياته بسبب هذا الهياط الزائد


البزر العصبي :
هذا البزر نار شابه على قولتهم معصب 24 ساعه يستحسن أن يكتب بالقرب منه خطر ممنوع الأقتراب منه

مستقبله
أمراض ضغط وسكر وقلب بسبب هالعصبيه أو في السجن لأنه فقع عين احد وإلا يمكن ذابح له واحد


البزر الملقوف
هالبزر عكوز بكوز في كل مكان مركوز ... لا تستبعد ان تجده في أي مكان

مستقبله
يوما من الأيام بيجيب العيد واتوقع ما راح يصير له مستقبل

البزر الدافور :
هذا البزر دائما متفوق في دراسته دائما يحب يتعلم ويتثقف

مستقبله
دكتور .. مهندس .. او أي شي زين أما إذا كان عندنا فآخرته مصكوك بعين .. والله اعلم


البزر اللي عليه حركات ويسمى أيضاُ البزر راعي التميلح :
هذا النوع خطير جداً ودايم يجيب المصايب وهو من النوع اللي ما يهرول عبث

مستقبله
احتمال يجيب العيد أيضاً

البزر اللي حظه مقرود :
هذا النوع من البزران اقل ما يقال عنه انه مسكين حظه دايم شين

مستقبله
سيئ للغايه

بزر مدمن تلفزيون وفي روايه أخرى (بزر صتيمه) :
24 ساعه عند التلفزيون يتأثر على طول أي شي يشوفه يروح يسويه

مستقبله
يظل دلخاً للأبد


بزر رومانسي :
راعي جو وحساس

مستقبله
يمكن شاعر او يقدم برنامج كله رومانسيات وشموع وحركات


بزر رايق :
24 ساعة رايق من زود الروقان عنده تشوف عليه احيانا حركات غريبه

مستقبله
زاهر إن شاء الله


البزر اللي ما تدري وش يبي :
ما ينعرف له مره تقول إنه ذيب مره تقول إنه كمخه

مستقبله
يا انه يطلع ذيب أو يطلع كمخه



( ملطووووووووووووووووش )