وصولي للاردن كان يوم الجمعة بتاريخ 11/7/2008 وبعد اسبوع تشرفت بلقاء اخونا ابو العبد "نادر عطية" اخدني بجولة في عمّان على اساس اني سائح وكنت خايف يختطفني بس الحمد لله رجعت عالبيت بالسلامة بالطريق فرجاني قصر النويجيس وبعدها رحنا على مقام الصحابي عبدالرحمن بن عوف من الداخل وحسب ما حكالي انه المبين في الصورة مش قبر وانما فقط مقام بعدها رحنا على معرض الكتاب في شارع الجامعة واهداني كتاب اسمه "عمّان الكبرى تاريخ وحضارة" الكتاب اللي اهداني اياه ابو العبد بعد معرض الكتاب رحنا على دائرة الاثار العامة وكان في ندوة عن منطقة البيضاء وعن الاثار اللي فيها وكانوا بحكوا عن الرسومات اللي وجدوها فيها وكيف بعدلوا عليها يعني بنضفوها ومن هالحكي عشان تبين وهاي بعض الصور هون عنا رجم الملفوف وهو موجود عند دائرة الاثار وهاي صورة بتبين جزء من الرسومات اللي كانوا يشرحوا عنها مش كثير واضحة بس ماشي حالها وخلصت جولتنا انا وابو العبد وهاي صور مشكلة صورتها بنفس المشوار طبعا ابو العبد سألني شو اللي حابب تزوره رحت قلتله البترا وهو ما كذب خبر وحكالي بكرة بنطلع على البترا صحيح انا انحرجت بس يلا فرصة لا تعوض تقرير البترا جاي بعدين لا تخافوا